У Кіраўску наведалі грамадзян з запазычанасцю за ЖКП

Супрацоўнікі аддзела па разлікова-пашпартным абслугоўванні горада Кіраўска наведалі 7 адрасоў, па якіх маецца запазычанасць па плаце за жыллёва-камунальныя паслугі.

Папярэджанне аб запазычанасці было падпісана ў аднаго грамадзяніна. Падчас гутаркі спецыялісты таксама растлумачылі яму наступствы несвоечасовай і (альбо) не ў поўным аб’ёме праведзенай аплаты за ЖКП.

Тым, каго не давялося застаць дома, пакінуты папярэджанні аб наяўнасці запазычанасці, тэрмінах яе аплаты і мерах, якія чакаюць грамадзян, калі яны і надалей не будуць плаціць за жыллёва-камунальныя паслугі.