Каля 30 прадстаўнікоў дзіцячага і падлеткавага Маладзёжных саветаў пры Магілёўскім гарадскім Савеце дэпутатаў разам са старшынёй гарсавета Святланай Сташэўскай і дэпутатам гарсавета, дырэктарам Магілёўскага абласнога цэнтра інфармацыйных сістэм Аленай Бальшаковай 10 красавіка наведалі прадпрыемства «Магілёўзелянбуд»
Для ўдзельнікаў мерапрыемства правялі азнакамляльную экскурсію ў ружоўнік і цяпліцы прадпрыемства, а таксама паказалі гадавальнік пладовых і дэкаратыўных раслін. Далей маладыя людзі разам з дэпутатамі і супрацоўнікамі прадпрыемства заняліся пікіраваннем расады і высадзілі больш за 300 саджанцаў кедра. Справа ладзілася хутка, бо кожны разумеў, што ўносіць свой уклад у далейшае азеляненне і развіццё роднага горада
