У абласным цэнтры адбылося ўрачыстае адкрыццё манумента воінам-героям абароны і вызвалення горада Магілёва. Помнік – савецкі танк Т-34 – усталяваны на адноўленай транспартнай развязцы: скрыжаванні праспекта Міра, вуліц Касманаўтаў і Якубоўскага.
Удзел у мерапрыемстве прынялі кіраўніцтва вобласці і горада, дэпутацкі корпус, працоўныя калектывы. У ліку тых, хто далучыўся да значнай падзеі, – дырэктар Магілёўскага абласнога цэнтра інфармацыйных сістэм, дэпутат гарадского Савета дэпутатаў Алена Бальшакова.
Дарэчы, баявая машына ўсталявана ў гонар воінаў 2-га Беларускага фронта, якія вызвалілі горад ад нямецка-фашысцкіх захопнікаў. Менавіта на скрыжаванні вуліцы Якубоўскага і праспекта Міра легендарны танк быў размешчаны ўпершыню, а пазней пераехаў на вуліцу Сурганава. Пасля сур’ёзнай рэстаўрацыі помнік аднавіўся і зноўку вярнуўся на гістарычнае месца.
