Напярэдадні Дня ведаў супрацоўнікі Магілёўскага абласнога цэнтра інфармацыйных сістэм традыцыйна прымаюць актыўны ўдзел у дабрачынных акцыях, накіраваных на дапамогу ў падрыхтоўцы да школы дзяцей з сямей, якія маюць патрэбу ў дадатковай падтрымцы (шматдзетных, малазабяспечаных і інш.).
Не засталіся ў баку прадстаўнікі працоўнага калектыву прадпрыемства і ў гэтым годзе. На добраахвотныя ахвяраванні супрацоўнікаў прадпрыемства былі набыты школьна-пісьмовыя прылады, неабходныя дзецям для вучобы.
Сёння прадстаўнікі абласнога цэнтра інфармацыйных сістэм перадалі іх у Кастрычніцкую раённую арганізацыю Беларускага Чырвонага Крыжа г.Магілёва (у межах штогадовай акцыі «Соберем детей в школу») і ў Цэнтр сацыяльнага абслугоўвання насельніцтва Кастрычніцкага раёна (у межах акцыі «Здравствуй, школа!»).
